Нохчийн къам махках даккхаран 80 шо кхачарна лерина кхана, чиллин беттан 23-чу дийнахь, Нохчийчоьнан массо а маьждигашкахь, йарташкахь, гIалагашкахь дIахьур ду таIзарш дарехь хIаллак мел хиллачу нахана лерина джаназа-ламазаш дар, сагIанаш дахар, зуькарш дар. Цу хьокъехь хаам бина Нохчийн Республикин муфтис Межиев Салахь-Хьаьжас.
Цул сов, Нохчийн Республикин хьалхарчу Президентан, Россин Турпалхочун Кадыров Ахьмад-Хьаьжин цIарахчу къинхетамаллин фондо вайн республикехь а, республикел арахь а кхочушдийр ду сагIанаш дахаран гIуллакхаш, хаам бира муфтийатехь.
Дала декъалбойла халкъ цIера даьккхинчохь дIа мел кхелхинчу вайн махкахошна!
