Преми къовсарехь дакъалаца чубелла Россин 42 регионера 256 болх бу. Россин Федерацин экономика кхиоран министерствон гӀоьнца форум вовшахтоьхнарг Росконгресс фонд йу. Премин дакъалацархойн терахь а лакхадаьлла. Царна йукъахь Санкт-Петербурган а, Москван а, Нохчийн Республикин а, Краснодаран крайн а, Ставрополан крайн а, Ростовн областан а, Дагестанан а, Адыгейн а, кхийолчу регионийн а векалш бу.
«Вершина» инвестицийн преми йукъадогӀуш 11 дакъа (номинаци) ду. Толамхойн а, финалистийн а аьтто хир бу Кавказан инвестицийн форумехь дакъалаца.
КИФ-ехь дакъалоцур ду туризман бизнесан а, агрокомплексан а, банкийн а, транспортан а, гӀишлошйаран компанийн а векалша. КИФ-ан гурашкахь 60 сов мероприяти дӀахьур йу. Декъашхошна кечйина йоккха культурин-самукъадаккхаран программа а йу. Цуьнан гурашкахь экскурсеш, гайтамаш, спортан къийсадаларш, кхидерг а ду билгалдаьккхина.
Форумехь къаьсттина тидам тӀебохуьйтур бу Къилбаседа Кавказехь туризм кхиоран гӀуллакхашна. Цул сов, Къилбаседа Кавказан федеральни округан социальни-экономика кхиоран гӀуллакхашкахула йолчу комиссин кхеташо а йу дӀайахьа лерина.
