Иштта хаам бина республикин Мехк-Дас Кадыров Рамзана.
— Кадырова Хадижат жигара дакъалоцуш йу Йерригроссин йаккхийчу форумашкахь а, саммиташкахь а. Цунна дика йевза чоьхьара политика, — йаздина республикин Мехк-Дас.
Нохчийн Республикин Мехк-Ден а, Правительствон а Администрацин куьйгалхочо Таймасханов ГӀаласа хаийтира, Кадырова Хадижат шен керлачу даржехь дика ларориг хиларх ша тешна хилар. Иштта цо билгалдаьккхира, Хадижата кхул хьалха шен хиллачу даржехь а баккхий кхиамаш баьхна хилар.
Билгалдаккха догӀу, 2020-чу шарахь дуьйна Кадырова Хадижата Соьлжа-ГӀалин мэрин ишколал хьалхарчу дешаран департаментан хьаькаман даржехь болх беш хилла хилар.
